7月 31日 晴

好多日無打了,係時候打返,諗返起前日,真係一個特別既日子,話說差唔多上完堂果陣,成間課室無啦啦有D搖之後就好明顯咁搖,大約搖左幾秒鐘就停左了,其他同學仔都鑽晒入台到,而我就仲傻傻地咁坐左係到,真係反應好慢,係黎美國第一次既地震,之後我地就紛紛出去停車場,等D人CHECK下間學校有咩事,等無事既時候就一D一D咁叫我地返入去繼續上堂,過左陣我就返屋企,行去學校門口果陣有個職員鬧一個橫過馬路既人,令到全場人都係到笑,哈哈.

返到屋企後,見到屋企有唔少野整爛,咁就無左幾千蚊,姑媽見到後都好傷心,之後即刻返上樓開電視,就已經有LIVE可以睇了,今次地震強度係5.8級,後尾再更正返做5.4,好在今次無人傷亡都算係不幸中之大幸,聽講今次地震只係熱身,遲D可以仲會有嫁~真係有D危機感......

7月16日 晴

申好份表之後就去左成人學校,去到之後我地一班人就考試,考試成績中,我爸,姑姐同我姑媽為一班,我同我媽都係唔同班,真係好期待聽日,唔知老師同同學仔係邊呢~有D緊張TIM.

希望無事啦~呵呵

7月14號 晴

今日係星期日係表哥同表姐返黎姑媽返黎既日子,未見過佢地,唔知佢地係咩樣呢,今日一早就比我媽叫左去行山,我食完早餐果陣就見到姑媽既FD之後就出發上山啦,岩岩上到山腰果陣條路愈來愈窄,好似有頭文字D FEEL,如果係到鬥車就正.

到左山之後就見到一堆蒼蠅仔,真係超級超級煩,仲要每個人比5,6隻黐,真係想燒死晒佢地,行左唔夠5分鐘我媽覺得之後會唔掂,所以我弟就陪佢一齊放棄啦,得我同姑婆佢地行,座山既風景真係好靚,如果無D咁煩既蒼蠅仔係到煩住,我諗我就可以好好欣賞咁靚既風景,愈接近終點條路愈難行,當我地行到終點果陣就見到一條好靚既瀑布,由山頂由落山腰湖水非常清澈,有D人企係到涼風,有D人係到戲水,有D人係到影相,場面真係好靚,真係想將咁靚既場面影落黎,可惜無相機........係果到休息一陣之後就一齊回程,由於有D人爬左上去行第2條路所以我地就分2TERM人行,係半路中途又遇到啦

全程都比蒼蠅煩住係唯一最唔滿意既地方,大約行左2個鐘就返到起點了,我諗我媽同我弟都悶到傻了~哈哈,返去既時候12點幾真係好餓,真係想快D返到去食餐好,返到去屋企既時候,原來表哥已經返到屋企了,仲有隻可愛既狗狗,當我一開門果陣隻狗狗突然好興奮咁跑過黎嚇左我一跳,不過隻狗仔真係好可愛,佢名叫「祖兒」不過佢係隻狗公黎^^

食完飯之後就同表哥同姑姐一齊買電腦,首先我地去左COSTCO到買,點知果到太小電腦選擇,咁我地就去左另一個地方BEST BUY到買,果到有好多電器買,我地選左半個鐘左右終於選左部GATEWAY牌子既電腦,US既電腦真係超平,比HK平幾千蚊,真係蠢左,早知係到買,除左買電腦外,仲買左萬能插蘇同USB手指,之後就滿載而歸.

返到屋企後,梗係即刻試下,當成功上到網既時候真係超HAPPY,即刻玩左成晚電腦,正.

去到食飯果陣我先知原來今日係表姐生日真係咁巧合,佢男友都黎埋TIM~食完飯之後就食生日蛋糕同影相,之後就佢地就返屋企,而我就因為太累而家好早訓左了~

今日覺得係最充實既日子,如果日日都係咁就好